Antonio Tizón é un dos escritores que este xoves 11 participa na xornada inaugural da Feira do libro de Redondela. Asinará os seus libros “Madriña” e “Coplas analfabetas” na caseta da libraría Pedreira ás 20:00 horas.
Con “Madriña” Tizón pecha a súa serie Sánchez Pereiro cunha obra na que combina suspense, memoria e estética literaria dento dun xénero que el cualifica como “novela mulata”, na que vai máis aló da novela negra tradicional.
Unha novela de literatura galega contemporánea pensada para os amantes do misterio, da narrativa innovadora e da poesía integrada nunha trama familiar e criminal.
