O obxectivo destes traballos, que se financiarán a través dunha achega de 151.000 euros dos orzamentos municipais, é humanizar e aumentar a seguridade viaria da Praza do Souto en Moreira co fin de mellorar os núcleos rurais e a calidade de vida da veciñanza da zona e modernizar as condicións medioambientais.
O mal estado actual da Praza Poza do Souto, no barrio de Moreira, precisa dunha humanización ante a necesidade de regular o fluxo peonil, mellorar a seguridade viaria e a pavimentación.
Con este proxecto aumentarase a superficie peonil, a través do tratamento dos pavimentos escollidos de tal xeito que se ofrecerá, á veciñanza, un espazo público libre, amplo e de calidade para o desenvolvemento da mobilidade e lecer da veciñanza, así como un xeito máis seguro e amable para todas e todos os usuarios desta zona como punto de encontro.
Trátase dun proxecto que contará cun investimento de 151.000 euros de fondos propios e estará dotado de zonas verdes, espazos de lecer e, nesta obra, utilizaranse materias nobres converténdoa en núcleo de centralidade e de referencia no barrio.
