SAR Rosavigo de viaxe a Tenerife
En División de Honor Prata Feminina, as mozas da SAR Rodavigo conseguiron unha clara vitoria na súa visita a Tenerife fronte ao Balonmán Perdoma, colista do grupo, por 25-32.
O encontro comezou igualado, pero as locais abriron pequenas diferenzas (11-7, min 17) e chegaron ao descanso con vantaxe (18-15). Tras a reanudación, as redondelás saíron con máis intensidade e firmaron un parcial espectacular de 0-6 que deu a volta ao marcador (18-21). A partir de aí, asumiron o control co seu xogo colectivo e foron ampliando progresivamente a diferenza ata o contundente resultado final.
Dous puntos moi merecidos que regresan a Redondela. A próxima xornada disputarán un duelo clave fronte a un rival directo na loita polo quinto posto, o BM Sanse, na Bomboneira.
Segunda Autonómica
Na Segunda Autonómica Feminina o Balonmán Chapela venceu con autoridade ao CP Lucense por 13-29. As xogadoras dominaron desde o inicio e mantiveron unha vantaxe ampla durante todo o encontro. Na vindeira xornada reciben ao Balonmán Tui.
Pola contra, As Choqueiras de Redondela caeron na súa visita ao BM Arousa por 31-26. As locais non puideron sumar e a próxima fin de semana reciben ao Lavadores Vigo B.
A SAR Impernoroeste descansou esta fin de semana, pero lembramos que no ultimo encontro sumaron vitoria contra o Balonmán Tui e impuxéronse con claridade por 29-14. O 1 de marzo visitan ao segundo clasificado, o BM Bueu Atl.
