A veciñanza afectada polo mal estado da estrada que comunica Os Valos coa parroquia de Amoedo volveron onte á rúa para exixir o arranxo dunha vía en moi mal estado, chea de fochancas e sen bairarrúas nin beiravía. Un vial cheo de curvas no que se suceden os accidentes sen que se acometa o seu arranxo malia o compromiso da Deputación.
Unhas obras que continúan sen ter data de inicio e que leva aos veciños e veciñas a manifestarse periodicamente con cortes na estada para visibilizar uns problemas que temen non se lles vaia dar solución ata “que ocorra unha desgraza”.
Os incidentes, con rebentóns de rodas e danos aos vehículos, ou pequenas colisión son recorrentes pero aseguran que calquera día pode producirse un sinistro de maior envergadura tendo en conta o estreito da calzada e o seu uso continuado por parte non só da veciñanza senón tamén polos camións que se dirixen cara o polígono de Pazos.
Unha mobilización que explican “faise pola seguridade de todas as persoas que transitan a diario por esta estrada” e anuncian que seguirán na loita ata que a Deputación acometa o arranxo da vía.
