Fin de semana para esquecer no fútbol local, con derrotas para todos os equipos da contorna agás o Arcade que milita en primeira galega e si logrou sumar puntos tras vencer ao Marcón. O resto dos equipos caeron ante os seus respectivos rivais.
Choco 0-2 Arnoia
O Choco sufriu este domingo non campo de Santa Mariña unha nova derrota ante o Arnoia. É xa a súa sexta xornada sen coñecer a vitoria e cae á decimocuarta praza da categoría.
Un erro de Xavi permitiu aos monfortinoss adiantarse no marcador tan só 15 minutos despois do inicio. O equipo visitante sentenciou o partido a dez minutos do final ao marcar Luis o 0-2 cun disparo dende fóra da área.
Na vindeira semana o Choco tentará remotar estes resultados na súa visita ao campo do Valadares, situado na metada da táboa.
Arcade 2-1 Marcón
En primeira galega o Arcade arrancaba a segunda volta cunha vitoria ante o Marcón por 2-1. Un encontro entre dous equipos situados na metade da táboa que permite aos de Soutomaior manterse na sétima posición. Con boas sensacións visitarán na vindeira semana o campo do Caldas.
Soutomaior 2-3 Combarro
Peor lle foron as cousas ao outro equipo da localidade, o Soutomaior que milita na Segunda Fútgal e que caía por 2-3 ante o Combarro.
Cesantes 2-5 Campañó
En Terceira Galicia o Cesantes mediuse esta fin de semana co líder da categoría, o Campañó. Un partido crucial no que os de Cesantes nada puideron facer ante un Campañó que logrou unha victoria que lles permite afianzarse no liderado da categoría. O equipo de Redondela sitúase na terceira posición con 31 puntos, a tres de distancia do Campañó.
Chapela 1-2 A Guía
Tamén en Terceira Galicia pero no Grupo de Vigo, o Chapela caía ante La Guía CF nun partido que rematou co resultado de 1 a 2 a favor dos visitantes. Con todo, os de Chapela mantéñense nunha cómoda sétima posición.
