Os Consellos Parroquiais aprobaron por unanimidade o programa de investimentos para o ano 2026 proposto polo goberno local. O plan destina máis de 2 millóns de euros para a mellora e acondicionamento de 65 camiños municipais nas 13 parroquias así como no centro da vila onde se acometerá o arranxo do Paseo Pexegueiro na zona da Bomboneira e a esfarrapad. As obras serán financiadas con fondos do remanente de Tesourería de 2025.
Ante as necesidades de mellora nalgúns camiños municipais, o plan inclúe unha relación de actuacións a realizar en cada unha das trece parroquias. Os proxectos foron consensuados cos colectivos veciñais e superan os 2 millóns de euros.
O plan será financiado con fondos das arcas municipais co remanente de Tesourería de 2025. A proposta será trasladada ao Pleno da Corporación para a súa aprobación.
O programa de investimentos inclúe obras en todas as parroquias, con melloras nun total de 65 camiños municipais. Algunhas das actuacións máis destacadas serán na rúa Estación e a Subida ao Picoto, en Chapela; os camiños da Milixosa e dos Lagos en Cabeiro; os camiño das Telleiras e o Fixón en Vilar; os camiños do Casal e dos Tereixos en Reboreda; a Subida a Trasmañó e o camiño da Cabadesa en Trasmañó; os camiños da Costeira e Verdeal en Quintela; os camiños do Quintán e da Moscalleira en Cedeira; os camiños das Patelas e Miñoteira-Estrada Fontecova en Ventosela; camiños da Furna, Eido de Andrea, Panquente e Fonte do Rial en Cesantes; camiños do Fixón e Caiosa en Negros; camiños da Gándara e Carreira da Lagüiña no Viso; camiños das Pedreiriñas e Casal do Monte en Saxamonde, e Paseo do Pexegueiro (zona Bomboneira) e Esfarrapada en Redondela
A alcaldesa, Digna Rivas, explica que estas obras responden ás necesidades de cada unha das parroquias no que respecta aos camiños municipais “especialmente en materia de accesibilidade, seguridade viaria e cohesión territorial” atendendo as peticións dos colectivos que mellor coñecer as necesidades de cada parroquia.
O concelleiro de Infraestruturas e Sostibilidade, Roberto Villar, sinala tamén que este programa de actuacións “está baseado nas demandas recollidas ao longo dos últimos anos nas sesións de todos os Consellos Parroquiais”.
