A selección galega de balonmán pechou unha participación destacada no Campionato de España de Seleccións Autonómicas (CESA) 2026, celebrado en Blanes (Xirona) do 3 ao 8 de xaneiro, acadando a segunda posición no ránking xeral de todas as categorías, tan só superada por Cataluña.
Os resultados máis destacados da expedición galega foron os seguintes:
- Xuvenil masculino → Subcampión de España e medalla de prata, nunha final vibrante e moi igualada. O equipo estivo dirixido polo técnico pontevedrés Luis Montes.
- Cadete masculino → 3º posto de España e medalla de bronce, nunha gran actuación colectiva. A selección foi dirixida pola adestradora redondelá Carla Abad.
- Infantil feminino → 4º posto de España, rozando o podio tras unha competición extremadamente igualada.
- Xuvenil feminino → 8ª posición nacional.
- Cadete feminino → 8ª posición nacional.
A segunda praza no ránking xeral reflicte o excelente nivel global do balonmán formativo galego nesta edición, cun rendemento moi sólido nas categorías masculinas e unha notable competitividade nas femininas.
Redondela, novamente un dos principais núcleos de xogadores da selección galega
O noso municipio volveu ser o máis representado na expedición autonómica, achegando un total de 11 deportistas dos clubs SAR Balonmán, Balonmán Chapela e AS Choqueiras de Redondela.
SAR Balonmán (7 xogadores/as + persoal técnico)
- Infantil feminino: Daniela Fernández, Martina Dacosta
- Cadete feminino: Daniela Míguez, Daniela Figueroa
- Cadete masculino: Martín Barrio
- Xuvenil feminino: Candela Martínez, Noa Portela
- Persoal técnico: Lucía Pérez (infantil masculino), Carla Abad e Nerea Bouzón (cadete masculino)
Balonmán Chapela (2 xogadores)
- Xuvenil feminino: Paula López (pivote, último ano de base)
- Xuvenil masculino: Lois Alonso (central)
AS Choqueiras de Redondela (2 xogadoras)
- Infantil feminino: Lia Barral
- Cadete feminino: Adriana Bouzón
Estes once deportistas, xunto coa presenza destacada de Carla Abad na dirección técnica da medalla de bronce cadete masculina, sitúan a Redondela como un dos principais referente do balonmán de base galego e español na tempada 2025-2026.
Os clubs implicados expresaron o seu enorme orgullo por ver aos seus xogadores e xogadoras defendendo a Galicia nun torneo de máximo nivel, e consideran estes resultados como a recompensa a un traballo serio, planificado e en equipo ao longo de toda a tempada.
