O Concello de Soutomaior, en colaboración coa Policía Nacional, pon á disposición dos seus veciños e veciñas un servizo que permite realizar a expedición e renovación do Documento Nacional de Identidade (DNI) e do pasaporte directamente nas instalacións da Casa do Concello. Esta medida evita os desprazamentos a outras localidades, o que supón unha notable comodidade para a poboación local.
Hoxe, mércores 8 de xaneiro, celebrarase unha nova xornada deste servizo. Para acceder a el, é obrigatorio solicitar cita previa, que pode tramitarse de forma presencial nas Oficinas Xerais do Concello ou por teléfono no número 986 705 106.
As próximas datas programadas para a prestación deste servizo en Soutomaior son as seguintes:
- 8 de xaneiro (con prazas dispoñibles)
- 23 de xaneiro
- 20 de febreiro
Esta iniciativa reflicte o compromiso do Concello de Soutomaior por aproximar servizos administrativos esenciais á cidadanía, facilitando a realización de trámites burocráticos de maneira máis accesible e próxima ao domicilio dos interesados.
