Foto do II Torneo Beretiño
O Pavillón Municipal Manuel González Soto (Chapela) será o escenario da terceira edición do Torneo Beretiño de fútbol sala base, organizado polo club Campito Chapela FS. O evento, que se desenvolverá entre os días 2, 3, 4 e 5 de xaneiro, reune a un total de 47 equipos procedentes de ata 28 clubs diferentes das catro provincias galegas, adquirindo nesta ocasión un carácter internacional coa participación do Vitoria Guimarães de Portugal.
O torneo abrangue todas as categorías da base, desde biberón ata cadete, pasando por prebenxamín, benxamín, alevín e infantil. Segundo fontes do club organizador, espérase unha alta participación e un gran nivel competitivo, co obxectivo de estar á altura das expectativas xeradas por esta cita consolidada no calendario do fútbol sala galego.
O Campito Chapela FS conta coa colaboración de entidades como o Concello de Redondela, a Deputación de Pontevedra, Deporte Galego e a Xunta de Galicia, así como o apoio da Real Federación Galega de Fútbol. Esta edición promete ser unha festa do deporte base, con centos de xogadores e xogadoras en acción durante catro intensas xornadas.
Presentación do club co Concelleiro de Deportes e o presidente da RFGF na sección de Fútbol Sala.
