Un ano máis a Asociación Lenda de saúde mental convida á veciñanza a celebrar o Nadal cunha cita moi especial, unha actuación da Rondalla de Redondela que terá lugar este sábado 27 ás 20:00 horas no Multiúsos da Xunqueira.
As entradas están a venda no Café da Vila, no Multiusos e na propia sede de Lenda a un prezo de 5 euros. Un festival solidario que busca así recadar fordos para esta Asociación que traballa dende hai décadas na integración e apoio ás persoas con probleas de saúde mental e os seus familiares e na que colaboran, unha vez máis, os integrantes da Rondalla. Os máis de 30 compoñentes que conforman a agrupación ofrecerán o seu repertorio, unha antoloxía musical con temas como boleros e habaneras “e outros clásicos de sempre” que soarán na noite do sábado.
