Preferente
O CD Choco sufriu unha derrota na casa ante o Porriño Industrial (2-3) no Campo de Santa Mariña. Os goles locais foron obra de Xian (minuto 33) e Pablo Otero (90+3).
Así analizaba o adestrador Alberto Rabadán o encontro: “Foi un partido con xusto vencedor. Tivemos moitas imprecisións que condicionaron o resultado final, pero o equipo mantén a cabeza alta e estaremos loitando ata o último minuto nas dúas xornadas que quedan”.
O equipo mantense nos 17 puntos e na 12ª posición, precisando unha vitoria e a próxima xornada visitan ao Villalonga FC.
Primeira Galicia
O CD Arcade logrou unha importante vitoria ante o Unión Dena CF (1-0), grazas ao gol de José Iglesias, o que lle permite ascender ata a 8ª posición. Na penúltima xornada desprazaranse ao campo do San Martín CF, quinto clasificado.
Segunda Galicia
O CD Soutomaior superou ao SD Puente Arnelas (3-2) e consolídase na metade da táboa. Con tres xornadas por disputar, preparan a recepción ao Zacande FC, terceiro clasificado que loita por manterse nos postos de play-off.
Terceira Galicia – Grupo Vigo
O Chapela CF empatou (2-2) na visita ao CD Nieto, con goles de Adrián e Anxo. Suman 23 puntos nunha tempada moi estable e, con tres xornadas restantes, recibirán o vindeiro domingo ao Atlántida Matamá B, rival directo na clasificación.
Pola súa banda, o Atlético Villar mantense líder indiscutible con 32 puntos tras empatar (2-2) co AD Lavadores. A próxima xornada visitan ao Alerta Sanguiñeda, segundo pola cola.
Terceira Galicia – Grupo Pontevedra
O CD Cesantes recuperou o liderado tras golear (4-1) á SDC Poio. Con 27 puntos, preparan o desprazamento ao campo da EFB Terra de Montes, segundo pola cola.
