A precaria situación dos centros de saúde pola non substitución dos médicos é un dos problemas máis patentes na nosa comarca. Na xornada de onte de feito faltaban 6 médicos dos 14 que prestan servizo no centro de saúde de Redondela. En peor situación atopábase o de Pazos onde non había ningún médico atenderá aos pacientes. Unha crise sanitaria que leva a mobilizarse á cidadanía cunha manifestación que terá lugar esta tarde ás 19:00 horas en Vigo.
Detrás da convocatoria atópase SOS Sanidade Pública ante a situación da sanidade en toda Galicia con menos recursos destinados a Atención primaria o que deixa aos concellos sen profesionais de pediatría e a cidadanía sen médico de familia de referencia.
Por estes motivo chaman á veciñanza a manifestarse este xoves para reclamar a reconstrución da Área sanitaria e reverter, entre outros aspectos, a situación do hospital Alvaro Cunqueiro. A manifestación partirá ás 19:00 horas dende a Praza de España ata o cruce da rúa Colón con Policarpo Sanz.
Ademais dos integrantes da Plataforma en defensa da sanidade pública de Redondela tamén a alcaldesa, Digna Rivas, ten apoiado a protesta.
