Foto: Incendio de Mónica Vila
Unha imaxe dun bombeiro loitando contra o lume de fíxose merecedora do premio a mellor fotografía no concurso que anualmente convoca o Obradoiro de Estudos Locais Fernando Monroy de Cesantes. Os premios entregaranse nun acto que terá lugar no Multiúsos da Xunqueira o domingo 23 de novembro.
O certame, que celebrou a súa XX edición á que concorreron máis de 200 fotografía concedeu o primeiro premio na categoría de adultos a Tirso Fermoselle coa imaxe “Remojando los pies”. O segundo premio desta categoría foi para a fotografía “historias da rúa. Contrastes” de Carla Piñeiro Gómez, mentres que “Piña” de Pablo Falgueras recibiu o terceiro premio.
Na categoría xuvenil Uxío Solla con “luces” recibiu o primeiro premio seguida de “Auga de chuvia” de Ángela Llobet.
Entre as imaxes presentadas polos máis cativos, nenos e nenas de menos de 12 anos, o xurado elixiu o traballo presentado por Xoel Fermoselle titulado “Sol enrejado”.
O obradoiro salienta a calidade das obras presentadas procedentes de toda a comunidade galega así como de Málaga, Toledo ou Logroño e convida á veciñanza a achegarse a entrega de premios que terá lugar o domingo 23 no Multiúsos da Xunqueira nun acto con música a cargo do grupo “Airiños do Mar de Teis”, sorpresas e convite dun chocolate con churros para os asistentes.
Todas a fotografías que participaron poderán verse a partir desa día nunha exposición que arrancará no Multiúsos e que irá percorrendo os diferente centros culturais do Concello.
