Foto do Cesantes
Na Terceira Galicia, o Atlético de Villar e o CD Cesantes afiánzanse como líderes intratables con vitorias clave (1-3 ante o Celta Academy B e 2-3 frente ao Rápido Bahía), mentres que na Segunda, o CD Soutomaior rompe a súa racha negra cun solvente 1-4 ante o Xuventude Sisán; no entanto, na Preferente, o CD Choco sofre unha dura goleada (0-5) ante o CD Beluso, complicando a súa loita pola permanencia, e na Primeira, o CD Arcade rescata un empate (1-1) ante o SD Amanecer para manternerse na zona media. A xornada deixa ilusións e desafíos á vista das próximas citas.
Preferente: CD Beluso – CD Choco (0-5)
O CD Choco sufriu unha dura goleada a domicilio ante o forte CD Beluso (0-5), o que complica a súa situación na táboa. Sitúanse no 11º posto con 11 puntos (3 vitorias, 2 empates e 4 derrotas). A boa nova é que a próxima xornada xogan na casa, no Campo de Santamariña —onde están sendo sólidos esta tempada— e recibirán ao Sporting Celanova. Unha oportunidade de ouro para sumar e aliviar de novo a presión.
Primeira Galicia: CD Arcade – SD Amanecer (1-1)
Empate na Primeira Galicia para o Arcade, que rescatou un punto no encontro ante o SD Amanecer (1-1). Un resultado que mantén ao equipo na loita pola zona media. A próxima cita será complicada: visitan ao C.D. Sport Team Estrada, un rival directo que non deixará escapar puntos fáciles.
Segunda GaliciaXuventude Sisán CF – CD Soutomaior (1-4)
Boas novas para o CD Soutomaior. Romperon a mala racha de tres derrotas consecutivas cunha vitoria solvente e ilusionante ante o Xuventude Sisán (1-4). Tres puntos de ouro que inxectan moral ao grupo. Agora, prepáranse para defender esta dinámica na casa, recibindo ao Moraña CF no seu feudo. Se manteñen o nivel, poden sorprender este ano.
Terceira GaliciaCelta Academy B – Atlético de Villar(1-3)
O Atlético de Villar segue intratable e consolídase como líder indiscutible na Terceira Galicia Vigo tras unha vitoria sufrida pero merecida ante o Celta Academy B (1-3). Con 21 puntos no peto e só unha derrota en toda a tempada, os de Villar levan cinco de vantaxe sobre o seu inmediato perseguidor, o CD La Guía (16 puntos). A próxima proba será espectacular: reciben na casa precisamente ao CD La Guía, un dos favoritos e un duelo que promete emocións fortes.
Rápido Bahía CF – CD Cesantes (2-3)
E non só o Villar brilla: na mesma categoría pero en distinto grupo, o CD Cesantes tamén toma o liderado con autoridade. Unha nova vitoria ante o anterior líder, o Rápido Bahía (2-3), colócaos no cumio con 17 puntos, arrebatándolles o trono pois non coñeceron a derrota aínda. A vindeira xornada, defenden o liderado na Gándara recibindo ao SCD Salcedo. Se seguen neste plan, o título parece cada vez máis preto.
