O CD Choco logra a súa primeira vitoria a domicilio na Preferente con autoridade (1-4 ante o Alertanavia), invertindo a dinámica inicial e sumando cinco puntos consecutivos que o estabilizan na táboa, mentres o Chapela CF exhibe o seu mellor nivel na Terceira Galicia cun rotundo 5-1 que o consolida no podio.
CD Alertanavia – CD Choco (1-4)
Na Preferente, o CD Choco impúxose con autoridade ao CD Alertanavia nun claro 1-4, logrando así a súa primeira vitoria a domicilio, que era un dos grandes obxectivos do equipo. Os catro goles materializáronse desde o minuto 13 e culminaron co último no 55′, o que reforza a precisión e o potencial ofensivo que o adestrador Rabadán tiña marcado como prioridade a mellorar. Rubén foi o home do partido cun dúas dianas que pechou cunha actuación redonda, abrindo o marcador e sentenciando o último. Tamén deixaron o seu selo Alejandro e Lucas cos seus goles.
O CD Choco logra deste xeito inverter a dinámica inicial e acumula xa dous empates e unha vitoria, sumando cinco puntos consecutivos que o sitúan na metade da táboa e na vía da estabilidade. O equipo busca crecer e evitar os sobresaltos da tempada pasada, cando estivo á beira do descenso.
Na próxima xornada, o Choco recibirá ao actual líder, o Antela FC, que mantén unha racha impecable sen coñecer aínda a derrota. O conxunto local tentará frealo no Campo de Santa Mariña.
CD Arcade – CD Ribadumia (0-1)
Na Primeira Galicia, o CD Arcade caeu ante o Ribadumia (0-1) no seu propio feudo. Aínda así, mantense na zona media-alta da clasificación, no sétimo posto. Na seguinte xornada, desprazaranse ao Campo Lameiro, un dos tres primeiros da táboa.
CD Soutomaior – SDC San Adrián (2-4)
Na Segunda Galicia, o CD Soutomaior non puido sumar puntos e o SDC San Adrián marchou coa vitoria na segunda metade nun axustado 2-4. O equipo local mantense como segundo pola cola e precisa con urxencia puntuar para saír do fondo da táboa. Na próxima xornada, visitarán ao Xuventude Sisan CF.
Os goles do Soutomaior chegaron de Iván e Juan na segunda parte.
Chapela CF – Alerta Sanguiñeda (5-1)
Na Terceira Galicia, o Chapela CF protagonizou unha exhibición en casa ante o Alerta Sanguiñeda, cun rotundo 5-1 que o mantén na pelexa polos primeiros postos. O equipo suma catro vitorias consecutivas e sitúase no terceiro posto con 13 puntos. Na seguinte xornada, desprazaranse ao Racing Castrelos F.C. “B”, un rival moi necesitado de puntos.
O marcador abriu Antoni nos primeiros tres minutos, para logo ampliar a vantaxe co seu segundo gol aos 25′. Na segunda parte, Diego fixo o terceiro no minuto 50, seguido do de Adrián, e Antoni pechou a súa gran noite cunha diana no 75′.
