Foto: A biblioteca de Chapela celebra en outubro o seu XX Aniversario
A programación de outono das bibliotecas arrancará o vinceiro xoves 25 cun contacontos para bebés a cargo de Raquel Queizás. Haberá tamen unha proposta específica para os maiores o martes día 30 de setembro con Lorena Piñeiro dentro dun programa que inclúe un concerto de Os Carunchos o 24 de outubro que servirá para celebrar o XX Aniversario da Biblioteca Xela Arias de Chapela.
A primeria das propostas será o xoves 25 ás 18:00 horas en Redondela pensada para cativos de 1 a 4 anos. “Cambio e conto” é o título deste espectáculo a cargo de Raquel Queizás que precisa de inscrición previa na Biblioteca. En Chapela a proposta infantil será o xoves 9 tamén as seis da tarde con Bea Campos e os seus “Contos pequeniños” orientada a bebés de 6 meses a 3 anos.
Nenos de maior idade, de 5 a 9 anos, é o público obxectivo do contacontos “A corpo cantado” con Charo Pita o xoves 16 de outubro ás 18:00 horas.
Como novidade, hai tamén un espectáculo orientado a persoas maiores que terá lugar o martes 30 de setembro ás 17:30 horas na biblioteca Xela Arias de Chapela. Lorena Piñeiro presentará o seu contacontos “Conta miña compañeira”.
A programación chegará ao seu remate o Día das Bibliotecas, venres 24 de outubro cun concerto a cargo de Os Carunchos quen presentará o seu libro disco “Unha gorxa chea de paxaros” cheo de poemas de Manuel María co gallo da conmemoración do XX aniversario da Biblioteca de Chapela.
