Rita Pérez e ROberto Villar na persentación do programa de setembro
O Concello de Redondela presenta un ambicioso programa de turismo ambiental e cultural para o mes de setembro, dirixido a persoas de todas as idades. Tras o éxito das actividades de verán, as concellerías de Turismo, Sostibilidade e Medio Ambiente ofrecen 11 propostas variadas, que inclúen rutas a pé, en bicicleta e en kaiak, sempre acompañadas por guías profesionais. A concelleira de Cultura e Turismo, Rita Pérez, salientou a aposta por un “turismo sostible que promove o descubrimento do rico patrimonio natural e cultural de Redondela”. Pola súa banda, o concelleiro de Sostibilidade, Roberto Villar, destacou que estas iniciativas buscan “valorizar os recursos naturais do municipio e fomentar a conciencia ambiental entre a veciñanza e os visitantes”. A programación terá continuidade en outubro.
A actividade programada para o martes 2 de setembro, unha visita guiada ao cemiterio dos Eidos, xa tivo lugar. As demais actividades seguen dispoñibles, e para participar é necesaria a inscrición previa na oficina de turismo, chamando ao 986 40 17 13 ou enviando un correo a turismo@redondela.gal.
Calendario de actividades para setembro
– Sábado 6: Explora a natureza en Reboreda (nenos de 8 a 12 anos). 16.00 h, gratuíto.
– Martes 9: Visita “Redondela oculta, entre a lenda e a superstición”. 21.00 h, gratuíto.
– Domingo 14: Ruta polo bosque de ribeira do río Pexegueiro, en colaboración co Obradoiro de Estudos Locais Fernando Monroy. 10.00 h, gratuíto.
– Martes 16: Visita guiada ao cemiterio dos Eidos. 21.00 h, gratuíto.
– Xoves 18: Ruta en bicicleta e observación de aves na Portela. 19.00 h. 5 €/persoa (bicicleta propia) ou 8 €/persoa (bicicleta do Concello).
– Sábado 20: Ruta nocturna polo río Maceiras (actividade ambiental). 22.00 h, gratuíto.
– Domingo 21: Ruta por bosques e fervenzas do río Fondón, Chapela. 10.00 h, gratuíto.
– Martes 23: Visita “Redondela oculta, entre a lenda e a superstición”. 21.00 h, gratuíto.
– Sábado 27: Visita á zona intermareal de Cesantes. 10.00 h, gratuíto.
– Domingo 28: Ruta en kaiak pola enseada de San Simón. 11.00 h, 20 €/persoa.
– Martes 30: Visita guiada ao cemiterio dos Eidos. 21.00 h, gratuíto.
