Coitelo da ameaza / Fotografía da Polícia Local de Vigo
Unha veciña de Redondela, de 54 anos, foi arrestada en Vigo tras tentar arrincarlle unha cadea de ouro a unha muller de 82 anos nun ascensor, ameazándoa cunha arma branca.
O suceso tivo lugar o pasado martes, ao redor das 22:00 horas, nun edificio da rúa Manuel de Castro, en Vigo. A presunta autora do roubo, unha muller de 54 anos natural de Redondela, foi retida polos veciños do inmoble tras a rápida reacción da vítima, unha octoxenaria das Neves, que pediu auxilio aos berros.
Segundo relatou a vítima á Policía Local de Vigo, a detida seguiuna ata o portal e subiu con ela no ascensor. Unha vez dentro, a muller ameazouna cun coitelo e tentou arrincarlle a cadea de ouro que levaba ao pescozo. A anciá resistiu e forcexeou coa agresora, logrando alertar os veciños cando o ascensor se detivo. Un dos residentes interveu, inmobilizando á presunta ladroa ata a chegada dos axentes.
A muller de Redondela foi arrestada como suposta autora dun delito de roubo con violencia e intimidación, e os feitos están a ser investigados pola Policía Local de Vigo.
