As tripulacións feminina e masculina do Club de Remo Chapela-Wofco volveron brillar na Bandeira Virxe do Carme que o sábado organizou o Club Remo Mecos de O Grove, nas pistas de Pedras Negras en San Vicente do Mar.
Os de Arealonga volveron amosar o seu bo estado de forma e conquistaron as bandeiras nas dúas categorías. Na Liga A é a cuarta bandeira consecutiva nunha competición na que lograron superar a embarcación Samertoloméu a quen lle sacaron 11 segundos e a Tirán Pereira que se clasificou en terceiro lugar. A embarcación de Cesantes Rodavigo entrou na meta en décima posición.
Unha vitoria clara por parte do equipo de Chapela que avantaxan en cinco puntos a Samertolaméu na clasificación xeral.
As mozas do Arealonga tamén se amosaron imbatibles na IV bandeira feminina do Grove. Vinte segundos sobre Tirán-Pereira, segundo clasificado amosan a súa clara superioridade. Terceira foi a embarcación de Mecos seguida por Salgado-Perillo e Cabo de Cruz. Tamén na clasificación xeral as de Chapela manteñen o podio mentres que Cesantes Bueu sitúase na oitava posición.
