O centro educativo amosará os traballos e proxectos educativos realizados polo alumnado do centro, proxectos de carácter grupal que realizan ao longo do ano e que durante este mércores amosan nunha exposición que celebra a súa cuarta edición con apertura de portas a partir das 10:30 horas..
A veciñanza poderá coñecer así os proxectos desenvolvidos polo alumnado ao longo do curso no marco das metodoloxías ABP (Aprendizaxe Baseada en Proxectos) e da APS(Aprendizaxe-servizo).
“O mundo actual é unha realidade complexa en constante cambio que require de persoas que asuman un rol activo e responsable na construción do mesmo”, explican desde o centro sobre os fundamentos da iniciativa.
Deste xeito, e partindo dunha “concepción do instituto como un espazo democrático e de calidade aberto á comunidade redondelá” nace “ExpoFloriani”. A coordinadora de actividades do centro Pilar Domínguez anima con ese espírito a que veciños e veciñas se acheguen este mércores as instalación do instituto.
