Unha muller de 87 anos faleceu este domingo tras sufrir un atragoamento mentres xantaba. Os feitos producíronse ás 14:40 horas de onte e, malia trasladarse ao domicilio os servizos de emerxencia, nada puideron facer por salvarlle a vida.
Segundo explicaron dende a Policía Local, recibiuse aviso do 112 Galicia ás 14:40 deste domingo día 15 no que os familiares da falecida alertaban de que unha persoa presentaba síntomas de atragoamento. Ata o lugar, situado en Chapela, desprazouse unha patrulla así como unha ambulancia do 061. Os efectivos de emerxencia nada puideron facer pola muller que finalmente, faleceu no lugar dos feitos.
