Nova proposta expositiva para a galería máis pequena do mundo que se atopa na fachada da Disco Tasca na rúa Pais Crespo. Trátase dunha propostas artística de Salamatu baixo o título de “Mamute”, unha peza que explora como construímos o espiritual a partir do material.
A pequena escultura permanecerá exposta nos meses de xuño e xullo, unha obra que se inscribe “nunha longa tradición artística que dialoga coa representación do espiritual nas culturas indíxenas, indagando nos significados herdados e na maneira en que o simbólico nos axuda a vivir, a imaxinar, a resistir o día a día”.
