A Asociación Lenda Saúde Mental celebra os seus 30 anos de dedicación á saúde mental cunha exposición titulada “ArteSá”, que combina expresión artística e meditación creativa. A mostra inaugurouse hoxe martes, 26 de maio, ás 11:00 horas no Multiúsos da Xunqueira e poderá visitarse ata o 2 de xuño.
A exposición presenta obras de arte e Zentangle creadas polas persoas usuarias da entidade, incluíndo participantes do Programa de Atención Integral a Persoas con Enfermidade Mental (PAIEM) do centro penitenciario da Lama e membros da Escola de Familias.
“ArteSá” convida á comunidade a descubrir o poder do proceso creativo como ferramenta de expresión, participación e inclusión, destacando o valor terapéutico e social da arte.
