O Pavillón Municipal de Pazos de Borbén será o escenario, este sábado 10 de maio ás 19:00 horas, dun decisivo partido de play-off de ascenso á Segunda División B de fútbol sala masculino. Enfrontaranse a S.D. Pazos de Borbén F.S. e o Concello de Begonte.
Dende o club, a S.D. Pazos de Borbén, sinalaban nas súas redes sociais: “Este sábado recibimos en Pazos ao Concello de Begonte Fútbol Sala. Recibimos a un equipo lucense que xa gañou en Pazos este ano, o que deixa claro o seu potencial, e que vén de ser a gran revelación da recén rematada liga regular. Ven gozar do fútbol sala, ven animar o equipo do pobo!”
