Electricidade, teléfono e internet caían en torno ás 12:33 horas de onte luns, festivo local en Redondela. Malia situación de incerteza que estaba vivindo a poboación, mantívose a procesión do Cristo que volveu tomar a rúa en torno ás oito da tarde.
O subministro foise recuperando logo de varias horas en boa parte da península. As 23:00 horas comparecía o presidente do goberno Pedro Sánchez para confirmar que electricidade xa se recuperara nun 50% do territorio, mentres a nosa comarca continuaba completamente a escuras, con veciños e veciñas ao redor de transistores a pilas para poderen informarse.
A luz en Redondela recuperouse as 6:15 horas da mañá deste martes nun día no que se cancelou a actividade lectiva en colexios e institutos do mesmo xeito que o transporte escolar.
