Os feitos producíanse sobre as 3:45 horas da madrugada do domingo no Camiño Condesa de Torrecedeira que comunica a parroquia de Cedeira con San Vicente de Trasmañó. Unha saída de vía que se saldaba sen feridos, xa que os ocupantes do turismo abandonaron o lugar polo seu propio pé. De feito, todo apunta a que terían saído polo maleteiro, xa que esta porta traseira estaba levantada.
Algúns veciños da zona falan da existencia de carreiras por estas estradas nas madrugadas das fins de semana e tamén apuntan que son moi empregadas por aqueles que queren eludir un posible control de alcoholemia.
