Axentes da policía local de Redondela procederon na tarde do pasado venres a investigar un veciño de Redondela de 31 anos de idade por un presunto delito contra a seguridade viaria logo de interceptalo no Camiño da Miñoteira en Ventosela cometendo numerosas infraccións.
Os axentes procederon a darlle o alto ao vehículo logo de cruzarse co turismo e decatarse de que o varón que conducía –un vello coñecido da policía- carecía do carné de conducir. Con todo, non sería esta a única infracción a que se enfronta este veciño de Redondela xa que no interior do turismo ía 6 persoas, cando o máximo permitido para o vehículo que conducía son cinco pasaxeiros, e carecer ademais da ITV.
O condutor enfróntase a diversas sancións económicas pola suma das diferentes infraccións detectadas así como a retirada de varios puntos do carné.
Unha resposta
E moi triste que este pasando ISO