O Multiúsos da Xunqueira acolle este domingo 19 ás 12:00 horas un concerto no que participarán a Banda de Música Armonía de Tineo, a Orquestra de Saxos de Redondela, a Chouque Big Band e a Xingros Big Band.
Unha actividade enmarcada dentro do intercambio cultural entre os alumnos e mestres da escola da Banda de música Armonía de Tineo, de Asturias e o conservatorio municipal Victor Ureña de Redondela. Un intercambio que suporá unha aprendizaxe para o alumnado de ambos os dous centros xa que durante a fin de semana dos días 18 e 19 participarán nunha xornadas de estudo e formación que culminarán co concerto do domingo no que participarán máis dun centenar de músicos.
