www.radioredondela.com Hoxe é Xoves, 9 de Xullo de 2020


Institucional • 16/05/2011

A estatua de Castelao recibiu un ano máis a homenaxe institucional do Concello de Redondela co gallo do Día das Letras Galegas. O tenente de alcalde, Carlos Pazos, foi o encargado de facer unha aposta pola defensa da lingua galega "a maior e mellor" obra colectiva de Galicia. No seu discurso, con mencións a Castelao, Rosalía de Castro e Lois Pereiro, fixo un chamamento á cidadanía para asumir a tarefa colectiva de "manter vivo o que nos dá vida" e non permitir "nin unha agresión máis" ó galego.

 


Deporte • 16/05/2011

A embarcación redondelá foi a vencedora na categoría xuvenil de trainerillas tanto na Bandeira Concello de Moaña disputada o sábado como na regata puntuable do domingo, por diante de Vilaxoán e Amegrove. Na categoría absoluta acadaron a quinta praza, e na feminina foron cuartos. Mañá dispútase no Grove a Bandeira Deputación de Pontevedra, preparatoria para o Campionato Territorial de Galicia Sur que se celebra a próxima fin de semana en Bueu. En canto ó fútbol o Choco empatou a dous goles co Nigrán e rematará a liga no campo do Bahía.


Política • 16/05/2011

Javier Bas polo Partido Popular, Eduardo Reguera polo Partido Socialista, Cecilia Pérez Orge do Bloque Nacionalista Galego, Alejandro Bastos do Partido Galeguista Demócrata, Oscar Benavides de Esquerda Unida, Alberto Covelo da Fronte Popular Galega e Manuel Angel Pérez Diaño en representación da Agrupación de Electores de Redondela participaron no debate que a Radio Municipal organizou o pasado sábado. Escoita o debate na súa totalidade.


Sociedade • 13/05/2011

Hoxe en día pódese elixir que un fillo leve primeiro o apelido do pai ou da nai, indistintamente, sempre que haxa acordo na parella. Ata o de agora, de non haber consenso, primaba o apelido paterno. Isto cambiou, xa que o Congreso aprobou este mes que, se os pais non se poñen de acordo, será o funcionario do Rexistro Civil o que decida a orde. Unha decisión que non convence ós veciños de Redondela, que en xeral apostan porque sexa o apelidos máis “singular” o que predomine.


Cultura • 13/05/2011

A compañía teatral Mascara Producións chega mañá a Redondela para presentar no Multiusos da Xunqueira a obra "Por diante... e por detrás", unha comedia na que se lle conta ao espectador todo o que sucede no escenario e entre caixas. Será ás 20:00 horas a un prezo de 3 euros.




Novas Anteriores:
primeiraanterior [1828] [1829] [1830] [1831] [1832]seguinteultima
Buscar:
en radioredondela.com en Google
Axenda

<< Xul 2020 >>
LMMXVSD
  12345
6789101112
13141516171819
20212223242526
2728293031  

Próximos Eventos...
Xoves, 9 de Xullo de 2020 - 12:00
Campamento de conciliación
O Concello de Redondela abre o prazo de inscrición para participar no programa municipal de conciliación no mes de xullo, orientado a nenos e nenas de entre 3 e 12 anos de idade. As persoas interesadas deberán presentar a súa solicitude antes do xoves
Sábado, 11 de Xullo de 2020 - 22:00
Xingros Big Band
A formación do Conservatorio actuará o sábado 11 ás 22:00 horas na Alameda de Castelao. Actuación de balde enmarcada na programación da Concellería de Cultura.
Venres, 17 de Xullo de 2020 - 20:00
Peter Punk na Alameda
O pallaso Peter Punk presenta en Redondela o seu espectáculo Chungo ke te cagas nunha actuación que terá lugar o venres 17 de xullo na Alameda ás 20:00 horas. Actuación orientada ao público familiar con entrada de balde.
Sábado, 18 de Xullo de 2020 - 22:00
Airiños da Peneda
O grupo de música folk Airiños da Peneda actúa o sábado 18 ás 22:00 horas na Alemda de Castelao. Organiza a Concellería de Cultura.
Domingo, 19 de Xullo de 2020 - 21:30
Airiños do Mar de Teis
O grupo de voces masculinas Airiños do Mar de Teis actúa o domingo 19 na Alameda de Rosalía de Castro en Chapela ás 21:30 horas. Entrada de balde.
Venres, 24 de Xullo de 2020 - 22:00
Concerto fusión
O grupo Pelepau e a banda de música de Chapela únense para ofrecer un concerto o venres 24 ás 22:00 horas no paseo marítimo de Chapela. Entrada de balde previa reserva no mail concertos2020@redondela.gal
Sábado, 25 de Xullo de 2020 - 22:00
Concerto de Guadi Galego
A cantante e excompoñente de Berrogüeto achega a Redondela o seu espectáculo Immersión. O concerto será o Día de galicia ás 22:00 horas no campo da feira. Entrada de balde previa reserva no mail concertos2020@redondela.gal
Domingo, 26 de Xullo de 2020 - 21:30
Carlos do Viso
O lutier e zanfonista Carlos do Viso ofrecerá un concerto na Alameda de Castelao o domingo 26 de xullo ás 21:30 horas. Organiza o Concello de Redondela.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia