www.radioredondela.com Hoxe é Domingo, 26 de Xaneiro de 2020

A Radio

A Radio Municipal de Redondela nace no ano 2002 con vocación pluralista e comprometida coas xentes de Redondela e a comarca.


Como o medio de comunicación máis áxil, inmediato e económico RR tenta contribuír ao fortalecemento da conciencia cívica da xente, do seu espírito crítico e da condición de todos os cidadáns e cidadás, ofertando a todos os veciños, colectivos e movementos sociais, culturais e deportivos a posibilidade de acceder aos seu micrófonos.


RR achega contidos temáticos abordándoos dende o punto de vista e o interese local, e procuramos información interesantes esquecidas noutros medios de comunicación. Reflectimos a actualidade como é: plural, concedendo a voz a todas as opcións políticas e a todos os axentes e grupos sociais.




RR está pensada para todos os públicos e todas as idades. Elaboramos espazos que prestan atención a temas como o cine, as novas tecnoloxías, a ecoloxía, as viaxes, o deporte, a etnografía, a música. Recollemos ofertas para o tempo de lecer e convocatorias para todos e para todas.


RR é un altofalante, unha canle para as mensaxes e reivindicacións de colectivos locais de diverso tipo e intenta por o seu grao de area na procura da igualdade de xénero e da integración social, así como da necesaria promoción da lingua galega

Hoxe na Radio
Axenda
Domingo, 26 de Xaneiro de 2020 - 18:00
Patapatum de Elefante Elegant
Continúa o II ciclo de teatro infantil coa compañía Elefante Elegante quen porá en escena o domingo 26 ás 18:00 horas no Multiúsos da Xunqueira a obra "Patapatum". As entradas pódense recoller no propio Multiúsos a un prezo de 3€.
Martes, 28 de Xaneiro de 2020 - 19:00
Xuntanza de Podemos
A formación Unidas Podemos celebra unha xuntanza aberta coa militancia en Redondela. Será o martes 28 ás 19:00 horas no Multiúsos da Xunqueira.
Venres, 31 de Xaneiro de 2020 - 10:00
Doazón de sangue
Unha unidade móbil do Centro de Transfusión de Galicia estará recollendo doazóns de sangue diante do Concello. O venres 31 de 10.00 a 14.30 horas e pola tarde de 16.00 a 21.00 horas.
Sábado, 1 de Febreiro de 2020 - 10:00
Andaina de Repoboación
O colectivo Arroutada organiza o 1 de febreiro unha xornada de recuperación e posta en valor do patrimonio natural de Fornelos de Montes. Inscricións de balde no 698205502. Desde as dez da mañá e até a noite.
Sábado, 1 de Febreiro de 2020 - 10:00
Doazón de sangue
Unha unidade móbil do Centro de transfusión de galicia desprázase a Redondela o sábado 1 para recoller doazóns en horario de 10:00 a 15:00 horas ao carón do Concello.
Sábado, 1 de Febreiro de 2020 - 20:30
Teatro en Chapela
A compañía de teatro Rueiro de Vigo pecha a VIII edición do ciclo de teatro afeccionado de Chapela cunha adaptación de O Avarento de Moliere. O sábado 1 de febreiro ás 20:30 horas no Multiúsos do Piñeiral.
Domingo, 2 de Febreiro de 2020 - 18:00
Magín Blanco no Multiúsos
Regresa Magín blanco a Redondela co espectáculo musical A nena e o grilo e máis aló. Unha actuación programada dentro do II ciclo de teatro infantil que organiza a Condellería de Cultura e que se poderá ver o domingo 2 ás 18:00h. Entrada 3 euros.