www.radioredondela.com Hoxe é Martes, 25 de Xuño de 2019


Institucional • 13/06/2019

As instalacións do antigo colexio de Trasmañó, que permanecen baleiras dende o ano 2010 cando a Consellería de Educación pechara as aulas por falta de nenos, converteranse no prazo de tres meses nun espazo cultural para uso dos veciños. A obra foi adxudicada a empresa Degalle Construcciones por 152.000 euros e será financiada con cargo ao remanente de tesourería. A actuación fora aprobada en pleno cos votos de PP e AER en maio do pasado ano.


Sociedade • 13/06/2019

Un "Zampakilos solidario" que se desenvolve conxuntamente nos supermercados de Vigo, Redondela, Moaña, Porriño e Baiona nas xornadas de venres e sábado, 14 e 15 de xuño. Trátase do terceiro ano que se celebra esta iniciativa na que Vegalsa Eroski comprométese a doar unha achega adicional do 4%. Dende a Fundación Banco de Alimentos agradécese a campaña e anima aos veciños a doar alimentos non perecedoiros para poder seguir axudando ás 25.000 persoas coas que colaboran na provincia de Pontevedra.


Cultura • 13/06/2019

Con esta iniciativa, o Servizo de Normalización Lingüística quere render homenaxe a un dos libros máis relevantes da literatura contemporánea, cando se cumpren 25 anos da súa publicación, ao tempo que facer unha homenaxe ao seu escritor. O acto celebrarase no Auditorio da Xunqueira hoxe xoves 13 ás 19:30 horas. O acto contará coa intervención de Méndez Ferrín e a música de María do Ceo.


Política • 13/06/2019

Logo de varias xuntanzas entre as comisións negociadoras de ambos partidos, todo apunta a que esta tarde podería haber un acordo que facilitase a investidura de Digna Rivas no pleno do vindeiro sábado. A Agrupación de Electores adianta ademais que a día de hoxe "hai unha proposta sobre a mesa de formación de goberno a través da cal o PSOE amosou a súa disponibilidade a formar un goberno bipartito no que AER asumiría diferentes concellerías".


Cultura • 13/06/2019

O alumnado destes tres centros educativos de Redondela decidiron homenaxear dun xeito moi especial ao escritor Xavier Docampo cando se cumpre un ano do seu pasamento. Fixérono poñéndolle voz aos seus textos. Unha homenaxe que tamén están a celebrar nas propias aulas con lecturas dramatizadas na maioría dos centros de ensino de Primaria e secundaria do concello.




Novas Anteriores:
primeiraanterior [5] [6] [7] [8] [9]seguinteultima
Buscar:
en radioredondela.com en Google
Axenda

<< Xun 2019 >>
LMMXVSD
     12
3456789
10111213141516
17181920212223
24252627282930

Próximos Eventos...
Mércores, 26 de Xuño de 2019 - 10:00
Doazón de sangue
Unha unidade móbil do Centro de Transfusión de Galicia estará recollendo doazóns de sangue diante do Concello. De 10.00 a 14.30 horas e pola tarde de 16.00 a 21.00 horas.
Mércores, 26 de Xuño de 2019 - 20:30
Bicos sonoros de amizade
Concerto no Multiúsos da Orquestra de saxos e a Xingro’s Big band. Unha actividade de balde que se desenvolverá este mércores día 26 ás 20:30 horas baixo o título Bicos sonoros de amizade.
Xoves, 27 de Xuño de 2019 - 10:00
Doazón de sangue
Unha unidade móbil do Centro de Transfusión de Galicia estará recollendo doazóns de sangue diante do Concello. De 10.00 a 14.30 horas e pola tarde de 16.00 a 21.00 horas.
Venres, 28 de Xuño de 2019 - 18:00
Actuación de Orella Pendella
A praza de Lenda acolle este venres día 28 ás 18:00 horas unha actividades do Servizo de Normalización Lingüística orientada a nenos e nenas de 0-6 anos. Orella Pendella a través da música e do baile ensina refráns, ditos e palabras en galego.
Sábado, 29 de Xuño de 2019 - 19:30
San Xoán en Rande
A Asociación Cultural e Deportiva de Rande adiou a súa festa de San Xoán para o vindeiro sábado 29. O acto arrancará ás 19:30 horas e incluirá a tradicional fogueira así como a posibilidade de degustar xurelos, pan e viño a prezos populares.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia
23:00 - Tempo de Jazz