www.radioredondela.com Hoxe é Xoves, 24 de Setembro de 2020


Sociedade • 15/09/2020

A dirección do centro activou o protocolo logo de ter constancia na xornada de onte da existencia dun PCR positivo entre o alumnado de segundo de primaria. Ante esta situación xa se lle fixeron as probas correspondentes aos seus compañeiros de clase que tan só terían compartido aula o pasado venres. Estase a espera de coñecer o resultado. Dende o Concello a alcaldesa, Digna Rivas traslada unha mensaxe de tranquilidade porque "malia que non hai que relaxarse e que casos coma este provocan preocupación, en Redondela a situación epidemiolóxica non é alarmante, os casos activos son 11 nunha poboación próxima aos 30.000 habitantes, son casos illados e non hai que lamentar ningún brote".


Sucesos • 15/09/2020

Tres individuos foron localizados na madrugada de hoxe no casco urbano de Redondela. Foron detidos logo de observarse unha actitude sospeitosa. Intervíronselles efectos empregados para realizar roubos con forza e foron denunciados tamén por desobediencia á autoridade e un deles por non levar a máscara de protección obrigatoria. Por outra banda, nun control preventivo conxunto da policía local e nacional procedeuse á denuncia dos dous ocupantes dun vehículo por portar sustancias estupefacientes e ao condutor por dar positivo na proba de drogas.


Deporte • 15/09/2020

O club de fútbol sala de Chapela ten aberto o prazo de inscricións para todas as categorías, desde os biberóns, ata o xuvenil, tanto para equipos masculinos como femininos. Cumprindo un estrito protocolo adaptado ás normas sanitarias que marca a Covid-19, algunhas categorías xa retomaron os adestramentos no pavillón Manuel González Soto.


Sociedade • 15/09/2020

O Multiúsos da Xunqueira acollerá este mércores e xoves as reunións cos pais e nais para informar sobre o inicio do curso e as medidas que se van aplicar nas aulas neste 2020/2021. Para evitar aglomeracións as charlas informativas realizaranse en catro quendas estando convocados os de 4º de Eso o mércores ás 18:00 horas e os de 3º ás 20:00 horas. O xoves acudirán a esta xuntanza os de 2º de ESO as seus e os de 1º ás oito.


Cultura • 15/09/2020

O prazo para participar neste concurso fotográfico remata o martes 3 de novembro. Ata esa data todos os que estean interesados poden remitir as súas imaxes en formato impreso a sede do colectivos no Círculo Cultural de Cesantes e o formato dixital ao enderezo obradoiro@estudoslocais.org. Os premios repartiranse entre as dúas categorías convocadas, un premio xuvenil orientado a menores de 16 anos e a categoría de adultos para maiores desa idade. Tamén hai un premio especial á mellor fotografía dotado con 175 euros. As bases pódense consultar na páxina web do Obradoiro.




Novas Anteriores:
primeiraanterior [5] [6] [7] [8] [9]seguinteultima
Buscar:
en radioredondela.com en Google
Axenda

<< Set 2020 >>
LMMXVSD
 123456
78910111213
14151617181920
21222324252627
282930    

Próximos Eventos...
Domingo, 27 de Setembro de 2020 - 12:00
Axudas comedor escolar
As persoas interesadas en solicitar as axudas de comedor escolar para nenos escolarizados en centros público do municipio teñen de prazo ara o 27 de setembro. Máis información na páxina web www.redondela.gal
Venres, 30 de Outubro de 2020 - 12:00
Axudas polo Covid
O Concello ten aberto ata o 30 de outubro o prazo de presentación de solicitudes para acceder ás axudas sociais orientadas a familias que se viran afectadas polo COVID-19. Máis información en www.redondela.gal
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia