www.radioredondela.com Hoxe é Venres, 5 de Xuño de 2020


Cultura • 1/06/2020

O concurso infantil levaba por título "O que ves dende a túa xanela" e foi ocnvocado pola Deputación de Pontevedra nos días do confinamento animando aos máis cativos a participar enviando as súas imaxes online. Carlos foi merecedor do premio na categoría de seis anos, sendo tamén galardoados Martina Contreras (11), Manuel Lemos (13) e Adriana Eugenio Rivas (13) gañaron o certame que está premiado con visitas guiadas ao Castelo de Soutomaior ou pola ruta do Viño Rías Baixas.


Cultura • 1/06/2020

Despois de ter adiado a edición que estaba prevista para finais de abril, por mor da alerta sanitaria da COVID-19, o ArteLixo 2020 volve á rúa. Faino coa exposición de obras en rúas da vila e das parroquias, escaparates do comercio local e tamén no Multiúsos da Xunqueira. Unha das novidades deste ano é a restauración do mural da Coca situado na parte traseira da igrexa de Redondela desde hai máis de dúas décadas.


Institucional • 1/06/2020

O Concello de Redondela vén de anunciar o lanzamento dunha nova convocatoria de axudas dotada con 110.000 euros e dirixida ao mantemento dos sectores económicos máis prexudicados pola crise da COVID-19. Establécense catro liñas de axudas: para o pago do aluguer, para gastos pola implantación do comercio en internet, por traballos de limpeza e desinfección, ou polo acondicionamento dos locais para dotalos de máis seguridade ante crise do coronavirus.


Sociedade • 29/05/2020

Anos e anos soportando o fedor procedente desta fábrica de fariñas de peixe ten aos veciños da zona ao borde do límite. Unha situación que teñen denunciado na policía, no concello e nos xulgados sen obter unha solución as súas queixas. Os afectados non descartan mobilizarse para esixir que atendan as súas demandas "non estamos en contra de ningunha empresa, pero non podemos seguir soportando uns cheiros que nos impiden abrir as fiestras e uns vertidos e residuos que son constantes e se teñen agravado nos últimos tempos". A empresa ten paralizadas as obras de ampliación da planta por carecer de licenza.


Política • 29/05/2020

A moción, presentada por ARPE (Asociación Rande Patrimonio Europeo), contou co apoio unánime de todos os grupos presentes na corporación quen salientaron a importancia histórica do conxunto cultural existente en Rande e que inclúe os restos da fortaleza, os galeóns afundidos ou o propio cargadoiro de mineral. Elementos que fan do lugar un conxunto que ao entender dos promotores da proposta fano merecedor da categoría de BIC (Ben de Interese Cultural). Para garantir unha maior protección para a zona o Concello comprometeuse a solicitar o Selo Europeo para o lugar.  




Novas Anteriores:
primeiraanterior [3] [4] [5] [6] [7]seguinteultima
Buscar:
en radioredondela.com en Google
Axenda

<< Xun 2020 >>
LMMXVSD
1234567
891011121314
15161718192021
22232425262728
2930     

Próximos Eventos...
Luns, 8 de Xuño de 2020 - 10:00
Doazón de sangue en Fornelos
Unha unidade móbil da Axencia de Doazón de Galicia estará en Fornelos de Montes na Praza da Igrexa en horario de 10.00 a 14.00 horas.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia