www.radioredondela.com Hoxe é Sábado, 19 de Outubro de 2019

Curso de manexo de maquinaria orientado a menores de 30 anos
Institucional • 11/09/2019
Autor: M. X. Queimaliños

A concellería de Xuventude xunto coa Xunta de Galicia convocan unha actividade formativa completamente de balde que arrancará o próximo 23 de setembro e que consistirá nun curso practico de manexo de equipos de traballo para o movemento de materiais e elevación de persoas. O curso impartirase de luns a xoves, conta cun total de 30 prazas orientado a mozos e mozas entre 16 e 30 anos de idades e inclúe un total de 50 horas lectivas.


O prazo de presentación vai do 9 o 17 de setembro e farase a través dos rexistros municipais, lugar no que se deberá presentar a documentación esixida xunto coa solicitude e a copia de DNI e certificado de empadroamento.


A acción busca que os participantes adquiran a práctica necesaria para o manexo de maquinaria utilizada no sector laboral do movemento de materiais (pontes-guindastre, plataformas e carretas elevadoras). Uns coñecementos técnicos que facilitarán aos que obteñan o diploma o acceso a un sector laboral con grande demanda de traballadores cualificados.


O listado de admitidos publicarase o día 19 de setembro no taboleiro do Concello e na paxina web.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: