www.radioredondela.com Hoxe é Domingo, 22 de Setembro de 2019

Póker de Adrián Rodríguez para o Choco
Deporte • 19/08/2019
Autor: Ana Prieto

Vitoria do C.D. Choco no último partido de pretemporada ante o Limianos, da Terceira portuguesa. No encontro, disputado onte en Santa Mariña, destacou Adrián Rodríguez, autor dos catro goles do equipo local. A próxima cita será xa de competición oficial, o domingo comezan a liga en Redondela ante o Fabril.


No partido disputado onte os pupilos de Gonzalo Fernández saíron a dominar desde o primeiro mimuto, mentres o conxunto portugués se limitaba a facer un xogo destructivo. O canteirán celeste, Adrián Rodríguez, anotou o primeiro gol do encontro ao rematar un centro raso de Yerai. Pouco despois chegou o segundo, logo de gañarlle as costas á defensa. Os portugueses recortaron distancias co 2-1, e a piques de ir ao descanso Adrián asianba o terceiro. Na segunda parte o ritmo de xogo baixou, pero o o goleador do Choco aínda acertou unha cuarta diana, a máis espectacular do partido, cunha chilena que chegaba tras un córner. O Limianos pechou o marcador de penalti no tramo final co 4-2 definitivo.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: