www.radioredondela.com Hoxe é Mércores, 23 de Outubro de 2019

Limpeza do río Oitavén ao seu paso por Fornelos
Sociedade • 12/07/2019
Autor: M. X. Queimaliños

Estes traballos de mantemento lévanse a cabo no treito interurbano deste río ao seu paso polas parroquias de Calvos en Fornelos de Montes así como en Barbudo en Ponte Caldelas. Consisten na retirada de árbores e pólas caídas sobre a canle e as marxes, así como a madeira morta existente. As actuacións enmárcanse no mantemento, conservación e mellora do dominio público hidráulico das bacías de Galicia-Costa.


A Consellería de Infraestruturas e Mobilidade, a través de Augas de Galicia, executa actuacións de limpeza e conservación no río Oitavén, ao seu paso polos Concellos de Fornelos de Montes e Ponte Caldelas.


As obras céntranse na retirada de árbores e pólas caídas sobre a canle e as marxes, así como a madeira morta existente. Unha vez finalizadas estas actuacións, o río quedará despexado de maleza, posibilitando así a circulación fluída das súas augas.


Augas de Galicia desenvolve estas accións no marco do programa de mantemento, conservación e mellora do dominio público hidráulico das bacías de Galicia-Costa, no ámbito territorial da zona Galicia Sur e as súas zonas de acceso e protección.


A Consellería de Infraestruturas e Mobilidade, mediante este tipo de tarefas, continúa realizando traballos na mellora dos leitos fluviais para acadar condicións naturais do ecosistema que favorezan os aspectos medioambientais e de uso social na contorna dos ríos.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: