www.radioredondela.com Hoxe é Venres, 18 de Outubro de 2019

O Salgueirón decide o pase á final
Deporte • 27/05/2019
Autor: Ana Prieto

Logo do empate a un gol entre o Racing de Castrelos e o Arcade no Monte da Mina, a praza para a final da fase de ascenso decidirase no Salgueirón. No remo, o Chapela fíxose coa I Bandeira Wofco de traiñeiras na categoría de veteranos en augas de Arealonga.


Fase de Ascenso Preferente Sur


Racing de Castrelos 1-1 Arcade


Púxose por diante o Arcade na eliminatoria cun gol de Campos no minuto 18, pero empatou o conxunto vigués 5 minutos despois cun tanto de Sine. Os de Juan Amoedo desperdiciaron un penalti a favor, que errou Eloy Rincón. Logo conseguiron manter o empate malia xogar cun home menos pola expulsión de Lucas por dobre cartón amarelo no minuto 69. Todo se decidirá no partido de volta, no Salgueirón, o domingo 2 de xuño. O vencedor da eliminatoria medirase despois ao gañador da outra semifinal que enfronta a Umia e Gran Peña, e que no partido de ida se decantou polo equipo do Salnés co 1-2 en Vigo. A volta disputarse no Municipal de Barrentes o próximo domingo.


Fútbol Sala Terceira División



Campito 4-6 Santa Isabel


Os de Chapela, xa descendidos desde hai varias semanas, perderon no último partido da casa ante o Santa Isabel. O sábado despedirán a liga na pista do Concello de Begonte


Sport Sala Culleredo 4-8 Pazos de Borbén


O triunfo permite ao Pazos xogarase na casa o campionato de liga no último partido. Será ante o actual líder, o Ribeira, que está un punto por enriba dos de Fran Amoedo. O gañador do encontro, que se disputará o sábado no Municipal de Pazos, farase co título.


I Bandeira Wofco de Traíñas


As augas de Arealonga acolleron o domingo a I Bandeira Wofco de traíñas na categoría de vetaranos. Os organizadores, o Club de Remo Chapela, fixéronse co triunfo, por diante de Ares e Meira, que completaron o podio. As embarcacións de Tirán e Rianxo acadaron o 4º e 5º posto, respectivamente. Actualmente o equipo redondelán manda na clasificación na liga galega tras imporse nas últimas citas.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: