www.radioredondela.com Hoxe é Venres, 19 de Xullo de 2019

A Asociación de Veciños de Chapela organiza unha xornada de limpeza do Río Fondón
Sociedade • 9/05/2019
Autor: M. X. Queimaliños

O colectivo veciñal convida aos veciños a participar desta acción que se vai desenvolver o vindeiro sábado 11 de maio en horario de mañá. O punto de encontro será ás dez da mañá na curva da senda da auga, ao carón dunha fervenza, dende onde se partirá para ir recollendo o lixo que se vaia atopando tanto nas beiras como na propio canle do río. Os interesados poden inscribirse no 680 71 89 52 ou no correo: avvchapela@gmail.com


O río que cruza a parroquia de Chapela de norte a sur xa ten sido obxecto de diferentes iniciativas que buscan a súa posta en valor así como garantir a súa limpeza, retirando o lixo que se atopa no lugar. Unha iniciativa da asociación de veciños da parroquia que conta co apoio e colaboración do concello.


O colectivo organiza para o vindeiro domingo día 12 unha excursión a Fisterra, Cascada de Ézaro e Muro. A actividade ten un custe de 35 euros todo incluído (autobús, seguro e comida).


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: