www.radioredondela.com Hoxe é Sábado, 19 de Outubro de 2019

A Biblioteca pecha as celebracións do seu 50 aniversario cunha gala no Multiúsos
Cultura • 11/04/2019
Autor: M. X. Queimaliños

O Auditorio do Multiúsos da Xunqueira de Redondela, acolle o venres 12 ás 20:30 horas a Gala do 50 Aniversario da Biblioteca P. M. Valle-Inclán que incluirá a entrega de recoñecementos a persoas e entidades que ao longo destes anos colaboraron dun xeito especial coas bibliotecas de Redondela e contará coa actuación da Xingro´ s Big Band do Conservatorio de Música que naceu coa intención de achegar a música moderna ao público. Unha semana na que celebra tamén unha cita infantil, un contacontos hoxe xoves a cargo de Olga Cuervo na Sala Infantil.


Con esta gala, que ten lugar nun mes emblemático para a lectura e os libros (o mes de abril conta coas dúas grandes efemérides do Día Internacional do Libro Infantil e do Día Mundial do Libro), péchanse os actos conmemorativos do 50 aniversario da Biblioteca Pública Municipal de Redondela que se viñeron desenvolvendo ao longo do 2018 e inicios do 2019


E hoxe mesmo os máis pequenos teñen a súa cita cun contacontos infantil que lles permitirá descubrir a figura e o traballo dunha muller excepcional, Jane Goodall. Unha actividade que correrá a cargo da contadora Olga Cuervo o xoves ás 18:30 h., na Sala Infantil da Biblioteca con entrada libre e de balde.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: