www.radioredondela.com Hoxe é Venres, 22 de Marzo de 2019

Redondela expón o libro "Cousas da vida" de Castelao
Cultura • 19/02/2019
Autor: M. X. Queimaliños

O Concello de Redondela colocou unha unha mesa-vitrina dentro das súas instalacións que expón a obra humorística de Castelao. Este extenso volume, que recolle as Cousas da vida, é unha edición limitada (333 exemplares) e única como acredita un certificado ante notario. O libro está presidido polo retrato de Castelao.


O libro, de máis de 500 páxinas, posúe unha coidada edición: encadernación en pergameo elaborado a man, papel de algodón e con fío vexetal. A Fundación Castelao avala este traballo, que conta con prólogos de Miguel Anxo Seixas e Manuel Ayaso.


Trátase dun novo recoñecemento á figura de Castelao tras a instalación das placas que dan o seu nome á Alameda e ás xornadas adicadas a Castelao que se celebraron o pasado mes de xaneiro e que contaron cunha notable afluencia de público.


Cada mes a vitrina abrirase para mostrar unha nova ilustración deste artista, polo que todos aqueles que visiten o Concello poderán deleitarse e sorrir cos orixinais e ocurrentes debuxos deste polifacético artista.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: