www.radioredondela.com Hoxe é Sábado, 20 de Abril de 2019

Agustín Reguera repetirá como candidato á alcaldía de Soutomaior
Política • 4/02/2019
Autor: M. X. Queimaliños

O comité local do Partido Popular de Soutomaior aprobou por unanimidade propor a candidatura de Agustín Reguera á alcaldía de Soutomaior. Con este anuncio, o actual alcalde confirmou ter a confianza das executivas local e provincial para repetir como candidato e tentar revalidar unha alcaldía que leva ocupando dende o ano 1995.


"Fágoo por responsabilidade e vocación de servizo aos meus veciños" explicou Reguera, que afirmou que "a actual lexislatura aínda non terminou, aínda quedan catro meses de intenso traballo por diante para demostrar que somos a mellor opción para Soutomaior".


Do mesmo xeito, o alcalde destacou que nesta lexislatura cumpriu co que foi o seu gran obxectivo durante varios anos e a súa maior promesa electoral, o instituto público. Agora o obxectivo é seguir traballando e mellorando en sanidade, emprego e en todo o que Soutomaior necesite, finalizou Reguera.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: