www.radioredondela.com Hoxe é Luns, 21 de Xaneiro de 2019

Caramuxo Vermello presenta o seu espectáculo "Caramushow" no Multiusos da Xunqueira
Cultura • 10/01/2019
Autor: M. X. Queimaliños

Música en directo, humor e teatro combínanse nun espectáculo cun ritmo trepidante e un formato novidoso que transportará ao público a unha película de gangsters. O precursores da música rythm & free presentan este sábado 12 de xaneiro ás 21:30 horas no Multiúsos da Xunqueira o seu primeiro disco. As entradas están a venda a un prezo de 8 euros.


Teatro e música en directo fusiónanse no Caramushow, un espectáculo do grupo redondelán Caramuxo Vermello ambientado nun club de jazz dos anos 30, que busca trasladar aos espectadores a unha película de mafiosos. No "Llas Clab", música e acción danse a man para transportar ao espectador a unha película de gangsters chea de intriga.


Un espectáculo coidadosamente ambientado que nos traslada a un local nocturno de Nova Orleáns onde a banda interpreta o seu repertorio ao "máis puro estilo rythm & free" e no que se sucederán pelexas, sospeitas, pirotecnia, acción e moita música cun ritmo trepidante para mergullar ao espectador nunha auténtica película de gansters.


O disco e DVD "Caramushow" gravado en directo presentarase este sábado día 12 no Multiusos da Xunqueira ás 21:30h e o día 18 no Teatro Carlos III de Aranjuez. Alí poderanse adquirir os primeiros exemplares nun novidoso formato pen drive que contén, ademais do disco e o video do seu directo, diversos contidos extra de Caramuxo Vermello e do Caramushow.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: