www.radioredondela.com Hoxe é Xoves, 13 de Decembro de 2018

Cursos de inciación á informática e de perfeccionamento na aula Cemit de Redondela
Institucional • 27/11/2018
Autor: Ana Prieto

O departamento de Novas Tecnoloxías por en marcha en decembro un total de once cursos que van desde a "Alfabetización Dixital" para aqueles que non teñen coñecementos de informática, ata os clases avanzadas de edición fotográfica, redes sociais ou cursos de idiomas por ordenador.


O prazo para apuntarse a estes cursos está xa aberto, e as prazas adxudicaranse por orde de inscrición. As primeiras actividades comezarán o próximo luns, día 3, e as últimas o 26 de decembro, cun amplo abano de cursos. Desde como facer trámites "on-line" ante as administracións, ata clases de mecanografía no ordenador, compras e ventas en internet ou presentacións multimedia. Todos os cursos son totalmente de balde, e impártense na aula Cemit de Redondela, na zona da Marisma. As solcitudes deben presentarse nos rexistros do Concello en Redondela ou Chapela. En próximas datas abrirase tamén a inscrición para os cursos na aula de Chapela, e a partir de marzo de 2019 porase en marcha unha programación continua de actividades para todo o ano. Máis información no departamento de Novas Tecnoloxías, no Multiúsos da Xunqueira, ou no teléfono 986.400.366.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: