www.radioredondela.com Hoxe é Mércores, 12 de Decembro de 2018

A Biblioteca de Chapela queda sen servizo de préstamo interbibliotecario
Política • 17/07/2018
Autor: Lorena Otero

Os usuarios desta biblioteca levan máis de cinco meses sen poder coller en préstamo libros da Biblioteca Valle-Inclán. Os lectores da biblioteca do Multiúsos do Piñeiral do Crego podían solicitar o préstamo de libros do fondo da Biblioteca Pública Municipal Valle-Inclán de Redondela. Dende hai máis de 5 meses, os usuarios deste centro non teñen dereito a dito servizo que segundo denuncian os socialistas responde a unha mala xestión do goberno municipal.



O PSdeG de Redondela lembra que a Biblioteca de Chapela conta con menos fondos e un horario máis reducido que a biblioteca Valle-Inclán ao que se lle suma dende hai cinco meses a supresión deste servizo. Unha cuestión pola que foi preguntado o Partido Popular no último pleno e que obtivo como resposta que “estaban buscando a fórmula de levar a cabo ese préstamo de libros entre ambas bibliotecas a través dunha empresa de envíos” pero sen concretar as xestións feitas até o momento nin tampouco datas para a restitución do servizo. Para os socialistas “é inaceptable que o acceso á cultura tarde máis de cinco meses por culpa do Goberno Municipal do PP”.


 


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: