www.radioredondela.com Hoxe é Xoves, 19 de Xullo de 2018

Baloncesto solidario na Alameda de Redondela
Sociedade • 6/07/2018
Autor: Lorena Otero

Redondela, Ponteareas e Vigo foron as tres localidades escollidas pola Asociación Aslan para organizar o seu torneo solidario de Basket 3x3. Un colectivo que traballa a través de actividades lúdicas na integración de nenos en risco de exclusión social. Dentro do programa de actividades que organizan este sábado, a Alameda de Redondela acollerá dende as 11.00 e até as 21.00 horas un torneo desta modalidade deportiva.


A integración da mocidade é no ámbito no que traballa a Asociación Xuvenil Aslan que presenta o seu proxecto en Redondela coa organización deste torneo en colaboración co concello e o Club de Baloncesto. Ao longo do ano organizan actividades dirixidas a mozos en situación de risco de exclusión social, ademais dun servizo de ludoteca con comedor, reforzo escolar e formación en valores.


Un torneo que tamén servirá para dar a coñecer ó Club de Baloncesto de Redondela que suma unha década de traxectoria e este ano contou con 160 licenzas e nove equipos nas categorías senior masculina e feminina, benxamíns e baby.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: