www.radioredondela.com Hoxe é Domingo, 23 de Setembro de 2018

Catro feridos nun accidente múltiple nos Valos
Sucesos • 11/04/2018
Autor: M. X. Queimaliños

Un accidente múltiple rexistrado onte en Redondela saldouse con catro persoas feridas, dúas de carácter grave e outras dúas con feridas leves. Segundo informou o centro de emerxencias do 112-Galicia, o suceso produciuse ás 16.30 horas na N-550, na zona dos Valos, nas inmediacións da igrexa de Saxamonde, e no sinistro víronse implicados tres vehículos.


Os feitos producíanse cando por causas que se descoñecen un Chevrolet que circulaba en sentido O Porriño invadía o carril contrario e colidía frontalmente contra outros dous vehículos, un Seat León e un Renault Megane que circulaban cara Redondela.


Debido ao forte impacto foi necesaria a intervención dunha dotación de Bombeiros, que liberaron a unha persoa atrapada no interior dun dos vehículos implicados. Os dous feridos graves foron trasladados a hospitais de Vigo.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: