www.radioredondela.com Hoxe é Domingo, 27 de Maio de 2018

Charla sobre "O Cristo dos navegantes" a cargo de José Antonio Orge
Sociedade • 3/04/2018
Autor: M. X. Queimaliños

O Concello de Redondela organiza o vindeiro venres ás 18:00 horas na sala de exposicións do Multiusos A Xunqueira unha charla na que se explicará a tradición do Cristo dos Navegantes, afondando na súa orixe e historia. Unha historia que se remonta séculos atrás e será relatada por José Antonio Orge. Un acto que será presentado por membros da confraría do Cristo.


Autor de libros como "Redondela a través do tempo" ou "As illas de San Simón", Orge será o encargado de afondar nunha celebración con moito arraigo na vila pola súa tradición mariñeira e na que os devotos honran ao Cristo da Agonía, tamén coñecido como Cristo dos Navegantes, nunha longa procesión que percorre o casco urbano durante máis de tres horas.


Xa na xornada festiva do luns en Redondela haberá actividades con marcado carácter relixioso. Arrancan ás 9:45 horas e misa solemne ás 12:00 cantada pola Coral Santiago Apóstolo.


Xa pola tarde ás 19:30 horas celébrase a misa dedicada ao Cristo dos Navegantes . A continuación sairá a procesión que percorrerá as rúas de Redondela acompañada da Banda de Cornetas e Tambores O Cruceiro de Poio e a Banda de Música Municipal de Redondela.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: