www.radioredondela.com Hoxe é Domingo, 24 de Xuño de 2018

Dúas medallas e nova marca para Mauro González no Campionato de España de natación
Deporte • 9/03/2018
Autor: Ana Prieto

O representante do Racing Chapela Mauro González conquistou onte dúas medallas no Campionato de España de natación para deportistas con Síndrome de Down. Un bronce nos 400 libre e o ouro na proba de 200 bolboreta, onde rexistrou unha nova marca de España. O campionato remata o domingo, e o nadador do equipo redondelán tentará aumentar o número de galardóns.


González aínda ten por diante as probas de 50 e 100 bolboreta. Pola súa banda, dentro da categoría feminina, Iria Gómez terminou na quinta posición tamén nos 400 libre. Tamén competirá en 200 e 100 costas e 200 libres. Os outros nadadores do club de Chapela que aínda deben debutar neste Campionato de España son Borja Gómez en 50 libres e 50 costas; Enrique Sampedro Campos en 50 libres e 50 costas; Iván Lago González en 400 libres, e 200 braza, 100 e 50 braza; Eva María Gómez Méndez en 50 libres; Daniela Montenegro Alonso e Irene Rodríguez Toube en 50 libres, 50 espada e 50 braza. Ata o domingo os representantes do Racing Chapela buscarán máis medallas nesta proba estatal, que se disputa en Cádiz.


Na categoría feminina fíxose co ouro en 200 bolboreta a ex compoñente do Racing Chapela Loira Fernández Guardiola, deportista agora do club Gredos, de Madrid. Na proba Loira asinou un novo récord de España.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: