www.radioredondela.com Hoxe é Mércores, 19 de Setembro de 2018

O novo xardín na antiga parcela de Fenosa estará rematado en dous meses
Sociedade • 22/01/2018
Autor: M. X. Queimaliños

Alumnos dos obradoiros de emprego nas especialidades de cantería e xardinería traballan xa na parcela na que se ubicaba o antigo edificio de Fenosa no Paseo da Xunqueira. O traballo prolongarase durante dous meses e consistirá no acondicionamento deste espazo que se converterá "nunha zona de descanso e recreo, aberta ao viaduto".


A Concelleira de emprego, Carmen Amoedo asegura que o resultado será "sorprendente" porque o obxectivo é crear un novo concepto de xardín, máis moderno respecto dos existentes no concello, acondicionando así un solar que permanece baleiro dende que hai máis de dous anos se derrubara o edificio de Fenosa.


Para realizar esta obra cóntase coa colaboración tanto do alumando de cantería como o de xardinería, alumnos do obradoiro de emprego que están a aprender estas especialidades nas clases que se imparten no pazo do Pousadouro. As obras deberían rematar, segundo as estimacións da concelleira, no prazo de dous meses.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: