Outubro en Festa é o nome deste evento que se enmarca dentro das actuacións do convenio interparroquial da Concellería de Cultura. A actividade festiva é aberta a tódolos públicos. Contarase con xogos tradicionais durante toda a tarde do sábado a partir das 17:00 horas e a velada estará amenizada por diversas formacións artísticas do Concello: Pandereteiras Semente Nova, Grupo de Baile da Chan das Pipas e Gaiteiros da Chan das Pipas

A Sociedade Cultural do Viso organizadora do evento anima aos veciños a se achegar a este sábado a partir das 17:00 horas no torreiro da Gándara, xunto o campo de fútbol da parroquia, para gozar deste festival musical e participar das actividades de xogos tradicionais para os asistentes.