www.radioredondela.com Hoxe é Luns, 21 de Maio de 2018

Marcha a pé ou en bicicleta para demandar a creación dunha vía verde entre Pontevedra e Vigo
Sociedade • 14/09/2017
Autor: M. X. Queimaliños

Co gallo da celebración da Semana Europea da Mobilidade, A Golpe de Pedal e Pedaladas organizan este domingo día 17 unha marcha-manifestación en bicicleta para demandar a recuperación das vías do tren fora de uso en Vilaboa, Redondela e Vigo e crear unha vía verde ciclista e peonil entre Vigo e Pontevedra.


Os que queiran participar na marcha que partirá en bicicleta dende a estación de tren de Chapela deberán percorrer os 7,9 kilómetros que separan esta estación da Porta do Sol de Vigo con saída prevista para as 12:30 horas.


No caso de desexar participar no percorrido que sae dende Pontevedra ás nove da mañá deberán realizar unha inscrición previa a través do facebook de A Golpe de Pedal ou no enderezo agolpepedal@gmail.com, xa que por cuestión legais non se poden superar os 49 participantes.


Tamén hai posibilidade de participar nun percorrido a pé entre Arcade e Figueirido, con saída ás 10:30 da Avenida de Castelao en Arcade.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: